媒體
分類
新聞
60大壽陳可辛終圓歌手夢 吳君如性感中空裝為老公賀生日
2022-12-01 07:01
吳君如穿中空裝賀壽，令老公陳可辛眼甘甘望到實。（圖：吳君如 IG）
陳可辛（Peter）憑歌寄意贈君如，兩人深情一吻。（圖：吳君如 IG）
ERROR四子、Edan、君如夫婦及冬嬸（君如媽媽）。 （相關機構圖片）
（左起）任達華、許恩怡（柏安妮女兒）、林浩賢（曾華倩兒子）、曾華倩及柏安妮。（相關機構圖片）
吳君如為了慶祝丈夫陳可辛（Peter）大前晚（28日）的60歲大壽費盡心思，正日當晚特別準備了一個星光熠熠的生日派對，席上Peter 終一完夢想轉營做民歌歌手，與囡囡陳是知（Jillian）即席合唱。君如更穿上性感前後中空裝賀老公生辰，一脫外套便全場哄動。
出席生日派對的嘉賓包括有甄子丹夫婦、鄭秀文、古天樂、劉嘉玲、任達華、曾華倩母子、邱淑貞和柏安妮一家，連幼稚園同學許誠毅（電影《捉妖記》導演），及ERROR 4、呂爵安（Edan）等過百幕前幕後的好友及星二代也畀面出席。
Peter手執木結他笑稱自己入錯行：「我等咗60年，其實一個唔應該做導演嘅人竟然做咗導演⋯⋯」接著便熟練地彈奏起自己的心愛的民歌，全晚高潮位是Peter為君如深情獻唱〈Always on my mind〉，憑歌寄意的Peter一時感觸唱至哽咽，眼有淚光，最後兩人深情熱吻。Peter亦道出當年為許冠文執導的《搶錢夫妻》錄唱這首英文歌作主題曲，兩個小時的錄音過程，滿腦子都想著君如，一個接一個的甜蜜回憶湧現眼前。
而好友劉偉強也來伴唱搞氣氛，兩人合唱時Peter大爆與君如撻著的經過：「93年導演會上我同劉偉強、李志毅一齊唱著同樣一首歌，當晚君如擔任司儀，導演會之後我跟她落了JJ（80年代星級DISCO），兩個講到雞啄晤斷，就咁樣我哋就一世啦！」這晚悉心打扮的君如真空上陣，連Peter也搞笑地眼甘甘望著她，兩人更當眾大耍花槍。
留言