刑滿出獄拍片道歉

    楊明知錯冀重新出發

    楊明於二○二○年八月在半山馬己仙峽道開車時發生交通意外，被控“拒絕提供血液樣本作酒精測試”、“不小心駕駛”及“車窗玻璃光度不足”三項罪名，上月二十二日上訴被香港高等法院駁回，維持原判，需即時入獄服刑十八日。原本應該是今日才刑滿，但由於今日是假期，所以他可提早於昨日出獄。

    昨日早上九時許，楊明在TVB經理人的陪同下離開赤柱監獄。當記者追問到他心情如何、有沒有飲燉湯、獄中生活如何時，他沒有作任何回應。最後，他在經紀人陪同下登上七人車離開，他的女友莊思明已在車內等候。

    楊明出獄後，並未有返家，先直接回到無線電視城，有指先向藝人部高層樂易玲認錯。之後，他接受了《東張 + 》以及《TVB娛樂新聞台》節目的訪問。

    楊明在影片中表示，於服刑期間反省了很多事，並對於因飲酒習慣為自己及公司帶來麻煩致歉：“我每日都喺入面提醒自己，之後一定要謹慎做人，認真工作，做返多啲嘢回饋社會。我唔會再容許自己再做出同類嘅事，呢件事的確係我人生中好大嘅教訓。希望大家日後畀我多啲空間同時間，同埋畀多啲機會我可以重新出發。”之後他深呼吸一下說：“最後，希望大家再次接受我嘅道歉。”他再次站起來鞠躬並說：“對唔住。”

    之後，楊明再接受《娛樂新聞台》的訪問，他在訪問中更數度落淚，亦有談及自己在獄中的生活。他表示：“（在獄中）係一個好陌生嘅地方，同埋係一個好狹窄嘅空間，咁一路都喺度恐懼呀，自責呀，其他嘢都喺個腦海入面浮現。之後過咗幾日，就開始定返落嚟，開始可以自己諗返多啲，思考多啲。我喺入面都睇咗好多書，可以幫助我人生入面點樣行返條正路，點樣可以做返個有用嘅人。我最自責嘅係做咗一啲事出嚟，令到一啲關心我嘅人、屋企人極度擔心。我最慚愧嘅係令到我爹哋和媽咪都要擔心我，令到我好自責。”談到未來工作時，楊明表示自己在這十八日獄中生活期間亦有反思：“對出嚟之後嘅生活，都有好多擔憂。其實好多謝公司，思明已經同我講公司對我嘅關心……公司都對我不離不棄，多謝。”