蒙卡派士砵亭十蛋

媒體

分類

新聞

【本報消息】本地甲組足總盃B組的小組榜首雙雄分途出擊，蒙地卡羅昨日六時在氹仔運動場鬥士砵亭，射手法蘭廉獨取六球，以雙位數送出十蛋搶兩連勝。賓菲加藉丹尼爾梅開二度，亦以六球大勝恆勢。

B組蒙地卡羅在首輪大勝恆勢，第二輪迎戰士砵亭，射手法蘭廉領軍繼續開盡火力，法蘭廉未夠半場已轟入四球，加上張海山、連斯亦各建一功，蒙卡半場已領先六比○。

蒙地卡羅換邊後仍未收油繼續攻，張海山在五十七分鐘撞射得手贏到七球；三分鐘後，連斯把握門將出迎快一步笠射再下一城。

隨後法蘭廉再在一分鐘內，先插水式頭鎚、再在禁區邊窄位妙射遠柱左下角入網，獨取六球兼為蒙卡埋齋大勝十比○。

賓菲加六球炒恆勢

同組的賓菲加迎戰恆勢，賓菲加由丹尼爾、梁灝然及陳敏等主力領軍，開賽後迅速入局掌控形勢；不過恆勢門將陸家安、以及防線眾將踢出鐵血防守，多次擋出賓菲加射門。戰至完半場前，賓菲加終靠丹尼爾的頭鎚打開缺口領先。

一球在手的賓菲加換邊後續佔主動，九分鐘內靠梁智誠、伊利及丹尼爾先後建功，在六十四分鐘拉開至四球。文當卡、阿里尾段先後破網，賓菲加最終大勝六比○。