亞視六十六周年重新出發
徐小明:做另類綜藝節目
前晚,亞洲電視於大埔錄影廠舉行《亞洲電視六十六周年台慶》晚會,藝人陳啟泰、柳影虹、李龍基、劉錫賢、鍾叮噹、宮雪花、馬浚偉、馮素波等齊出席支持,內地男星黃渤專程錄影為亞視送上祝賀。
亞洲電視行政總裁徐小明前晚率領董事局及管理層會見傳媒,並舉行台慶啟動禮。小明哥盼透過台慶活動令外界更了解亞視未來動向:“其實壓力都好大,因為大家都問有咩搞,我最主要目的就係激活亞視,因為一個電視台冇製作就好似空殼咁,起初我哋輕鬆啲,好似有新聞、財經、玄學等節目。今次‘碌卡’叫咗好多朋友嚟幫手,今晚晚宴都爆晒人數,多謝大家對亞視嘅情懷支持。嚟緊亞視都會參與一個基金,我哋希望培養到人才,搵到啲好劇本。”
小明哥亦表示,現階段亞視將製作另類的綜藝節目,盼吸引更多觀眾點擊收看,另外他表示:“一個媒體機構有新聞節目,可以盡到社會嘅責任,今次加強咗新聞組嘅力量,我哋已經成立《亞視國際新聞台》,由我們的藝人陳美濤、吳玥肜、羅卿娗伙拍馬來西亞新聞團隊,為觀眾提供最新的資訊。”
陳啟泰表示再為亞視拍節目感到興奮:“我依家為亞視拍汽車節目,最好可以帶埋太太一齊拍。今次拍節目都好似做埋監製咁,因為我哋呢啲老演員都會畀好多意見。”
前晚柳影虹、李龍基為《亞洲電視六十六周年台慶》晚會擔任表演嘉賓,二人落力獻唱為節目增添氣氛,虹姐表示重回亞視感興奮,希望多製作節目令業界百花齊放。李龍基自爆將有喜訊公佈:“我和女友年尾就會結婚,不過應該唔會大搞,總之兩個人開心就可以。”
劉錫賢為當晚活動擔任司儀,他表示多年未現身亞視錄影廠,重回舊地感觸良多。久未露面的陳庭威笑言自己“年年十八歲”,保持狀態隨時工作。馬浚偉為了支持徐小明,出席前晚的亞視台慶大騷,他認為亞視做網台,會有更大發展。
留言