《2023香港小姐競選》16位佳麗目前正在越南峴港及會安拍攝外景,一直以家事為由缺席的11號周婷(Jennifer)今日(18日)已正式宣布退選,是繼大熱門賀怡雯(Lea)以外,另一位在入圍後才退選的佳麗。
周婷早前曾多次缺席《港姐》宣傳活動,在13日眾佳麗出發到越南外景時亦沒有出現,大會稱她是急需處理家事。但她於14日便開通內地社交帳戶,又上載不少性感相片,令外界猜測她早萌退意。今日大會公布消息時表示:「尊重其個人決定,並鼓勵其繼續努力,期待來屆再參與競選。」
至於在越南的16位佳麗,昨日到了當地特色景點稻田及磚房進行拍攝,穿長裙上陣的佳麗,在稻田美景及磚屋中大擺型格甫,其中胡睿涵(Hanna)、毛志琛(Viktoria)及姜依宁(Jenny)因身形高䠷,被封「硬照三人組」。
嘉賓主持黎諾懿對佳麗的貼心照顧,亦令佳麗多了共同話題。莊子璇(Hilary)對於黎諾懿真人與鏡頭前一樣搞笑大感驚喜:「佢成日講爛Gag,都幾搞笑,同埋叫我哋叫佢做諾仔。」鄧凱文(Eris)及Viktoria等則輪流大爆黎諾懿暖心行為,Eris說:「佢好照顧佳麗,好似我跳舞好差,佢會鼓勵我要有自信。」Viktoria說:「我有過敏,佢就叫我問佢女助手拎藥,叫女助手幫我搽。」 除了貼心,第一天拍攝便記熟所有佳麗中、英文名字的諾懿更獲封「記憶小王子」,對此他笑言有秘訣,並笑謂今屆佳麗英文名太艱深:「其實我記得晒係靠出貓不斷問人㗎咋,難記嘅名我都交晒畀梁凱晴,我人生最怕記資訊嘢同人名。同埋佳麗啲英文名好深,又Zora、又Eris、又 Lovelle,我平時叫開Mary咋嘛。」
至於因在社交網自我介紹中自稱「Single Mom」惹揣測的黃泳嘉(Jessica),則首度開腔回應事件:「我唔知廣東話有冇呢句說話,我嗰時喺加拿大有樣嘢叫Mom Friend,通常指好鍾意照顧人嘅朋友。我喺加拿大嗰時住寄宿學校,我係好照顧啲同學,佢哋個個都話我係媽咪,呢個(自我介紹)只係Inside Joke。」Jessica還自爆自己的手袋是百寶袋:「我會帶好多食物、膠布、紙巾、毛巾等等咩都有,如果有人有嘢要,我一定有喺手,所以好似媽咪咁。」 (編輯:游子欣)
留言