士砵亭台星今激鬥

媒體

分類

新聞

護級大戰

士砵亭台星今激鬥

【本報消息】本地甲組足球聯賽，今晚九時氹仔運動場上演護級大戰。士砵亭惡鬥台星，力爭保住甲組席位。兩隊今季表現同樣麻麻，發揮不穩下，想搶贏三分同樣未有把握。

士砵亭今季表現麻麻，首循環大敗台星腳下，不過之後又先後贏過加義、恆勢，成功贏得關鍵的六分，現時位處尾二，爭護級手執主動權。論攻守表現，士砵亭火力稍佔優勢，前線桑高、謝薩斯、馬菲等，成為爭取入球的最大籌碼。後防卡佩恩、鄺一明等把關發揮未算突出，但台星攻力麻麻，或為士砵亭以攻代守搶佔先機。

“六分之戰”左右護級

台星首循環贏士砵亭，上兩輪亦成功自救擊敗恆勢，保住護級希望。台星現時一分落後士砵亭，為爭護級今場非勝不可。前線黎嘉俊、吳家明等近期表現不差，黎國豪等把關後防，如能保持硬淨防守，台星仍非全無機會搶贏今場“六分波”。

兩隊在煞科戰，分別迎戰實力高幾班的賓菲加及蒙地卡羅，意味着今場勝仗已幾肯定為護級戰分出最後勝負。戰意十足下，兩軍為保護級勢有一番惡鬥。

加義恆勢今頭場對碰

七時先有加義鬥恆勢，雖然在分數排名上，兩軍仍然有機會爭取前五位置，不過首循環碰頭已握手言和，臨近季尾的次循環，雙方近況又同樣麻麻，今場想分出勝負亦不容易。