盧瀚霆前晚（23日）在香港亞洲博覽館展開他的首個個人演唱會，Solo唱跳足兩小時。（圖：盧瀚霆 IG）

Anson Lo心痛歌迷要為他買黃牛飛，講到泣不成聲無法唱完整首歌。（圖：viu1hk IG）

Anson Lo 的父母及家人都有到場支持。（圖：viu1hk IG）

MIRROR成員盧瀚霆（Anson Lo）前晚（23日）在香港的亞洲博覽館開始他一連四場的《ANSON LO“THE STAGE”IN MY SIGHT SOLO CONCERT 2023》個人演唱會。現場座無虛席，粉碎了之前網上流傳有黃牛炒燶飛，臨場還有大量相連位割價求售的傳聞。

一出場的AL以白色透視喱士露腰裝登場，緊身背心露出一雙充滿肌肉的麒麟臂，唱出〈一所懸命〉及〈Mr. Stranger〉，加上他的招牌自摸舞姿，令台下眾神徒（粉絲暱稱）瘋狂呼喊尖叫。換了黑西裝後AL深情發言：「呢幾年我長大咗，同你哋一齊經歷咗好多唔同嘅嘢，犯過好多錯誤，有好多流言蜚語。有好多唔同嘅新聞，但都係假嘅，呢啲所有里程都令我學到好多嘢。」AL又坦言，希望粉絲原諒他講話時的官腔，因為這是他從小到大使用的自我保護一道牆。

AL連接穿起多套性感舞台服裝，有Deep V又有大露背，又演唱新歌〈浪漫殺死巨蟹座〉，及不少其他歌手的作品如〈重新長大〉、〈潛龍勿用〉、〈Turn Up〉、〈Numb〉、〈Nice & Slow〉等；當他穿著黑色大露背上演唱張國榮的〈偷情〉時，更與女dancer貼身辣舞，現場更有女歌迷呷醋大叫「唔好！」，場面搞笑。

穿起粉紅西裝的AL唱完〈神隊友〉後表示：「驚都要騷畀人睇，喊都要騷畀你哋睇！」，然後他嘆謂：「我知道大家為咗入場都好辛苦，用咗好多方法買飛，呢一兩個星期排隊，食啲唔應該食嘅黃牛，甚至畀啲唔好嘅人hold住啲飛。想講我呢半年喊得最多嘅原因係因為你哋，每次見到你哋畀人蝦我都會好嬲，我都唔知可以做啲咩去保護你哋，我又唔可以每一次都喺story 公開為你哋反擊，咁會惹嚟鬧戰，所以我只可以做到就係，準備好自己，就算幾攰都會睇留言，呢啲係因為你哋嘅愛。」AL哽咽得無法唱下去，最後變成了全場大合唱，他則邊行邊拭淚，跟觀眾們揮手以示感激。