橫店趕拍《巾幗梟雄之懸崖》

    黎耀祥胡定欣

    黎耀祥胡定欣

    黎耀祥胡定欣

    呻休息唔夠

    由騰訊視頻及無線電視聯合出品的《巾幗梟雄之懸崖》，演員陣容包括黎耀祥、胡定欣、蕭正楠、羅天宇、陳曉華、李成昌、韓馬利、杜燕歌、謝雪心、莊思明等。《巾幗》劇組於橫店馬不停蹄進行拍攝，助理總經理曾勵珍和製作部總監徐正康日前專誠前往橫店探班，為台前幕後打氣，珍姐自掏腰包請食飯。祥仔期間亦有“萬歲”請大家飲嘢。

    講到珍姐和徐生探班，祥仔受訪時說：“今次冇乜時間帶佢哋去玩，喺最後一晚珍姐請大家食飯，佢睇咗片之後好滿意，覺得成個製作都好唔同，既有TVB嘅特色，又有內地製作上嘅配合，好有大片嘅感覺！”祥仔透露是次拍攝行程十分緊密，差不多日日都要開工：“冇乜時間叉電，有段時間係A、B組咁拍攝，拍完A組就過B組，有時早咗少少收工就出去食飯。”與胡定欣第八度合作，祥仔說：“佢都算係我喺TVB合作最多嘅女演員，所以今次合作都好有默契，大家都會一齊食個飯，工作上有啲咩都會交流吓。”

    談到拍攝難忘事，祥仔說：“今次同好多內地工作人員合作，畀到我好新嘅衝擊，呢度地方比較大，個景都豐富啲，戲劇嘅效果都會加強咗，同埋監製對我哋好好，佢專登安排咗啲飯盒係少啲油、鹽、糖，通常都係三菜一肉比較清淡啲，大家都食得好習慣。”在橫店工作雖然忙碌，但祥仔一有空都會出動“食好西”慰勞自己，他日前在社交網介紹橫店港式茶餐廳，更成枱都是香港地道美食，有咖哩魚蛋、魚蓉燒賣、菠蘿包及叉燒等，祥仔全程大大啖食不停，相當滿足！

    定欣受訪時坦言日日都要開工：“呢套劇通告好多好密，真係好少機會出去食飯，珍姐同徐生嚟咗大家可以早啲收工，大家一齊食個飯放鬆吓，如果唔係真係冇乜機會。”定欣坦言開工頭一個月特別忙：「我嘅銀行主景要連開十幾日，之後亦都有唔同嘅景連開幾日，第一個月真係好辛苦，冇乜點休息過，內地有說法叫頂天立地，即係頭場去到尾場都係你！”身材Fit爆的定欣熱愛做運動，可惜今次帶備運動裝都得物無所用，她說：“自己帶嚟嘅運動衫都冇郁過，反而一有時間盡量瞓番多啲叉電。”