黎耀祥橫店新體驗

    聽來娛聞，聲聲眞切：“視帝黎耀祥請飲尿。”白紙黑字澄清眞相——橫店影城餐廳水牌，大字寫上：“英俊瀟灑、氣宇軒昂、玉樹臨風、全組最愛的祥哥，又……又又又請大家喝飲料！”有文化之至。何不香港式：請飲嘢！

    《巾幗梟雄之懸崖》，TVB與內地合拍電視劇，講到明，將港劇推廣內地，茲事體大，助理總經理“珍姐”、製作部總監徐正康，目前到橫店探班，設宴勞軍……。據說“高層自掏腰包”，居然有餚無酒無汽水……，氣氛愉快，祥哥萬歲！“又又又又請大家喝飲料！”衆人在水牌前合照。“今次拍攝行程緊密，日日開工……。”黎耀祥透露，“今次冇時間帶珍姐和徐生去玩。最後一晩，珍姐請大家吃飯。佢哋睇咗片之後都好滿意，覺得整個製作與以前好唔同，旣有TVB特色，又有內地製作配合，好有大片的感覺。”

    “同好多內地工作人員合作，畀到我許多新衝擊。”祥哥說，“內地的地方大，佈景豐富，戲劇效果加強。監製（方駿釗）好照顧演員，安排飯盒，好香港口味，少油鹽糖。通常三菜一肉比較清淡，大家食得好習慣。”但，亦會偷空去吃“好嘢”慰勞自己，橫店的港式茶餐廳，有：咖喱魚蛋、魚蓉燒賣、菠蘿包及叉燒……相當滿足。

    《巾幗梟雄4》女主角胡定欣坦言，“開工頭一個月特別忙，我的銀行主景連拍十幾日，唔同嘅景又連開幾日，日日開工，冇休息過。內地有個說法，叫‘頂天立地’，即係話，頭場去到尾場都係你。”“今次帶備的運動裝都未出動，”身材Fit爆熱愛運動的胡定欣自言，“反而一有時間，盡量瞓返多啲充電……。今次不用運動都消瘦了，眞是開工就疲……。今次《巾4》角色，體力精神消耗比較大。開工便瘦……。”《巾》劇新拍檔，“與祥哥合作很多次了，對上一次《公公出宮》。”定欣表示，“同祥哥合作，係一個學習機會，好似再上堂咁。”與胡定欣第八度合作，祥哥在TVB合作最多的女演員，“所以，今次合作都好有默契，一齊食個飯，談談工作上的交流。”

    後記：祥哥與胡定欣，是否仍是劉醒與九姑娘？仍是個謎，監製說“全新題材”，但，《巾4》海報，仍有劉醒背影……

    高  梁