個唱成功感觸落淚

    許廷鏗：明年挑戰欣宜跳唱

    前晚，許廷鏗(Alfred)一連三場戶外演唱會“SANTA JAMBOREE音樂生活祭”壓軸舉行，現場氣氛熱烈。當晚Alfred邀得女子給合COLLAR成員邱彥筒(Marf)和李芯駖、鄧小巧、楊安妮及陳慧敏等擔任表演嘉賓。

    前晚演唱會甫開始，Alfred與打頭陣的嘉賓Marf、芯駖合唱一曲《青春頌》，熱爆全場。Marf穿上印有“F”字樣的上衣亮相，她表示：“呢個F，係代表Alfred嘅fred字。”之後，Alfred表示：“我今日要接受一個挑戰，因為一個老人家要做後生女嘅嘢，要同佢哋玩一首歌，一齊跳唱《OFF / ON》。”唱完之後Alfred笑言：“而家啲歌原來係咁難唱！”

    芯駖亦開玩笑地說；“今晚真係好似畢業禮，爸爸帶個女出嚟。”身旁的Marf插嘴道：“Alfred未做到爸爸，越來越瘦，似哥哥多啲。”Alfred即反問Marf：“你係話我返老還童？做咩話我唔可以做爸爸！”逗樂全場觀眾。

    到了演唱會尾聲，壓軸嘉賓鄧小巧登場，與Alfred合唱一曲《微時》。Alfred唱到好投入，更哽咽喊爆，被小巧取笑他“大喊十”。之後，Alfred向小巧解釋自己喊爆的原因：“我之所以喊，係因為有次同你去Joyce（鄭欣宜）屋企，講到如果有無限製作費及投資者支持做騷時，你哋不約而同好興奮話做幾多場都得！可能我太理性，心諗如果要做好多場演唱會，把聲未必可以負荷到，但今次係我人生首次連續嘅三場演唱會，反而覺得唔夠喉。”

    完騷後，Alfred在後台接受傳媒訪問，談到他連續三場演唱會的跳唱演出成為焦點，問他可會轉做跳唱歌手？他笑言：“我行緊過去啦，其實，我從未試過做咁耐運動，今次演唱會瘦咗廿磅，跳舞真係好有幫助，可能遲啲會同Joyce一齊跳舞減肥。我發現跳勁舞可以畀自己好大力量，我個Chok樣觀眾亦應該好受落，見到大家企晒起身，好多尖叫聲。”今次個唱未能請到欣宜亮相擔任表演嘉賓，可會感到遺憾？他表示：“不會，Joyce都有送花籃支持我，亦有傳短訊同我打氣。我好想同Joyce下個挑戰書，希望二○二四年同佢一齊玩跳唱！”