當年順從父親安排

    陳慧嫻揭暫別樂壇之謎

    今晚，由車婉婉擔任主持的無線歌唱真人騷《中年好聲音2》播出第九部曲《陳慧嫻金曲賽喜氣洋洋賀十二強！》下半場， 有肥媽、伍仲衡、張佳添、周國豐和陳慧嫻擔任評審。今集出場名單如下：《歸來吧》譚輝智、《我寂寞》黃劍文、《夜機》安雅希、《傻女》陳燕娜、《月亮》沈宗賢和《與淚抱擁》劉威煌。

    黃劍文自彈自唱《我寂寞》，大曬煙嗓唱出“寂寞”的感覺，而他的留鬚流浪造型亦獲評判加分不少。慧嫻大讚道：“恭喜晒你，呢隻歌你做咗好多功課，畀到嘢我睇、畀到嘢我聽，真係畀咗好多心機落去，呢樣值好多分，令我好感動。”肥媽亦大讚劍文做足功課：“海上扒龍船，岸上有人見，你真係有做功課。”伍仲衡則說：“自從《愛很簡單》嗰個回合，已經覺得你返晒嚟，同埋你畀咗呢首歌新嘅面孔，有啲王傑嘅浪子Feel，好不羈，好鬼正呀你！” 穿上酒紅裙的安雅希獻唱《夜機》，她將歌曲改編成 Bossa Nova 風格，她邊唱邊搖Chill到爆。對於安雅希的演出，慧嫻說：“你係一個戰鬥格嘅歌手，但呢隻歌唔係太適合比賽，你嘅聲音係屬於厚同低沉，唱呢隻歌係好聽，不過呢隻咁平淡嘅歌表現唔到你威猛嘅地方。”伍仲衡亦認同慧嫻所說：“呢隻歌大部分時間係中低音，而你嘅高音係好聽，攞分好多時喺個Chorus度，要有啲嘢畀人聽。”張佳添則說：“Bossa Nova 係輕鬆嘢，大強（吳大強）唱可以攞到好高分，你會玩啲Ad-lib，但Phrasing上面唔夠新鮮感畀我哋，你 Own唔到呢個版本，聽完之後係覺得好好聽，但未夠Impressed囉。”

    《夜機》這首歌，是慧嫻爆紅作品之一，當年正值事業高峰的她宣佈暫別樂壇遠赴美國讀書，令一眾歌迷依依不捨。在今集節目中，慧嫻自揭箇中原因：“我個人好簡單，唔多諗嘢，多得我老竇係超級控制狂，佢話咩我就做咩，雖然我有唱《反叛》，但都係被迫㗎啫！爸爸覺得我唱咗歌，滿足咗自己愛好喇，咁不如讀埋大學，如果第時唔唱歌，都起碼有個學歷喺度，當時我自己都喊，都好唔捨得啲歌迷。”