黎彼得說娛圈世態炎涼

    不須着意求佳景，自有奇逢應早春。“財神到！財神到！好心得好報，財神話，財神話，搵錢依正路……。”果眞唱出了財神爺；年味濃烈的小調，街知巷聞，紅足四十六年。作詞人黎彼得也收了四十六年版稅；與許冠傑拆賬後，“都有嘅，唔多囉……。”

    《財神到》大紅，許冠傑有沒有封大利市給你？黎彼得雲淡風輕帶過：“小事一樁，唔好咁老套啦。”

    《財神到》，乃神來之筆，行行下街，突然靈光一閃。黎彼得講，當年，正與許冠傑合作無間，都認為賀年歌詞太千篇一律，“咩呀，年又過年……，你聽鑼鼓響一片，聲聲送舊年。太過粵曲，好老套，唔好聽，有點似文千歲加點廣東小調……。”是否又是跟許冠傑在家中埋頭苦幹創作名曲？“唔記得在屋企還是街上，”黎彼得舊事依稀，“那時，我們兩人度橋，喜歡揸架車周圍去度。”

    財神到，財神到，佢睇起你，你有前途。一首即興之作，紅足半個世紀，黎彼得也大出意外，細想在意料之中。“因為，後來的新歌唔得呀嘛，如果新歌流行；我哋舊歌收檔啦，早已新人勝舊人了。”黎彼得慨嘆：“如今轉數慢，靈感已不及年輕時來得快，未必會再寫歌，但……，”有人投資，不妨考慮再寫，“如果楊受成打畀我，咪寫囉！”還有往事，只能回味，黃子華做咗神啦，佢開聲都會幫佢寫嘅，神同人仍藕斷絲連……。

    《飯氣攻心2》賀歲片，黎彼得有份演出，更是片中金曲配樂《MONICA》歌詞原作者——兼“大佬”黃子華多年朋友。黎彼得表示，“我覺得佢哋用咗《MONICA》首歌，所以諗起我。我與子華好朋友，不過，他現在做咗神，我哋就聯絡唔到，溝通唔到。哈哈，做人時候有溝通，現在是神！”子華在《飯2》未有演出。黎彼得坦言，未能在銀幕上與“大佬”子華神合作感可惜。戲中以張國榮四十年前金曲《MONICA》為配樂，張繼聰與一衆演員重現MV經典舞步，對效果有何感想，黎彼得坦言：“Cash上有錢收，至緊要呢樣！”

    蔣志光恭敬表示，“Peter老師係我前輩，佢好勁。睇返當年的詞，一韻到底，都唔知點寫，敬佩。”

    Peter說：“好多前輩都過咗身，顧嘉煇、黃霑、黎小田都走晒，我哋排緊隊，係後輩世界啦！”蔣志光向Peter鞠躬：“我哋更加珍惜你。”

    高  梁