苑瓊丹做直播唔拍戲

    相信全世界最豪氣的一位女演員，網上表示——即使星爺叫到，也暫不考慮。她就是好戲之人“苑仔”苑瓊丹。“現在打自己工，直播中我係女主角，唔使跟對手做反應及顧慮啱唔啱傾，唔使睇人眉頭眼額。”

    苑仔六十歲開始人生大轉彎，“自覺離死神越來越近，餘下日子，想做一些有滿足感，又可以溫飽的新工作，所以揀做直播帶貨……”苑仔直話直説：“藝人變做Sales，會被覺得好折墮；我睇得好開，搵到一份自己鍾意的工作，可以做返自己，又發掘到樂趣，開心，冇壓力……”苑仔坦言：“我也鍾意拍戲，但實在太被動。自問已沒有辦法再上一層樓成為影后級。例如接咗個角色要喊，我現在好開心喎，點喊呀？所以，有時接劇本係有壓力，明明好傷心變得好開心

    ；明明好凍卻要着比堅尼跳海……有身不由己感覺。現在打自己工，直播中我係主角，自己主宰自己。”

    退休不拍戲麼？苑仔表示沒有資格退休。“講退休，我會病。但呢五年一定唔會拍戲。眞係支持唔到拍戲的被動與不定時……所以揀一樣鍾意做的工作，就專心去做。五年後，我都可能變老弱殘兵，拍唔到戲啦……”苑仔好識掌握自己人生，現在旣然做了“直播帶貨女主角”，能夠自把自為，“星爺開聲也不考慮了，除非只拍一日，但拍一日又拍唔到乜嘢出嚟，冇乜意思。”

    除了賺到錢，苑仔從帶貨中獲益良多。“認識到新品種紅酒味提子，眞髮菜呈墨綠色且有彈性，帶點污垢的。原來，生活有許多知識及價値，自己買條蔥都會講價啦，想到一文買到兩文超值嘢，都想變作直播精神同人分享。”苑仔恍然大悟，演戲與帶貨，各有不同價值；拍戲，只係消磨時間令人開心，又要硏究劇本，“活在戲中，疏忽生活，似係白活。”帶貨，有好多生活知識和價値，“Sell貨唔容易，點解要幫襯你買蘋果？又要幫你買好多？就算出售一個蘋果都要讚吓佢。哈哈！當年若掌握到呢啲技巧，待人處事都會圓滑些……”

    苑仔入行超過四十年，更經營生髮中心，已是富婆。近年，她跟大隊返內地直播帶貨，出售滋補品、化妝品、服裝。開始時只得一百萬人民幣營業額，四場後已火速過二百萬元 。分佣都好和味，比拍戲收入更多。明星轉帶貨，折墮抑或昇華？

    高  梁