李龍基：我係豬唔使扮

    “樂壇風紀”甄妮，“老來嬌”李龍基，兩大高手隔空過招，唇槍舌劍，“沒有火藥味”，娛聞示範之作——甄妮直指李龍基，未婚妻被控，乃是知情者，得益者，“扮豬食老虎！”……

    寒風下，傳媒晨早八時守在羈留所門口，平時九點到達的李龍基，十一時才抵埗，説小巴壞了，要轉車。“識唔識甄妮”？識！識咗幾十年……“佢話你扮豬食老虎！”“哈哈哈，我幾十年來，都係扮演豬，現在才知……眞係有小小失敗。其實，幾十年來，我都係豬。”

    “是否，直接找甄妮澄清一下”？“不用了，各人有各人思想，她有自己平台，一聽到新聞，就發表自己觀感。事情往往好複雜，外人未必看得清楚。平台上自話自説，別人難以加入挑戰……我做我的，她做她的，算了。”

    扮豬吃老虎！在普通人眼裏，生活中常演戲，不屬大奸大惡的小騙子。對於藝人來説，“扮嘢”，是專業。李龍基是無線御用皇帝，也扮鹹濕伯父，越扮得神似越値錢……甄妮指斥“扮豬吃老虎”……友好間常見，飮酒談笑的口頭禪，“半杯醉倒”，“從未打過半鋪麻將”，“一個仙都唔賭”，這是扮豬食老虎了。一個仙點賭？你以為他是豬，落叠沙蟹才傾家蕩產……。

    “我幾十年都係豬，你有小小失敗。”實際狠狠反擊一招，指甄妮觀察人生！麻麻。

    利用未婚妻事件，增加人氣，乘機搵銀……“我承認……，酒樓開騒，四千元一席……。”李龍基解釋，“一向都有做……今回酒樓開騷，本來一場，嘩，新聞發生後，加一場，再加一場，照爆……。再加唔加，老闆之事，價錢他們訂。我只是收以前的歌酬。因為，事件之前，已經簽約，收了訂金，我如常開工。”李龍基心情開朗，每日多了一個節目，早上探Chris晩上開工。“我都要搵食，都要去唱歌，我好鍾意唱歌。”

    爺孫戀後，才發佈新歌《雲淡風輕》……“事件發生一年前已籌備，諗一隻歌幾個月，搵人寫詞兩個月。配樂、錄音，幾個星期，拍MV，派台，沒有一年半載不成事……”李龍基解釋，“趁着事件出新歌，邊會有咁容易呀，事有凑巧。”

    無論正反新聞，增加流量為了吸金，娛圈的生態，李龍基！計算基！抽水基！話題不少哩……。

    高  梁