馬德鐘拍劇艷福不淺

    拍《再見 · 枕邊人》，“馬神”馬德鐘艷福不淺，周旋於黃智雯及張曦雯之間。現實中，可遇過兩女爭一男？“冇啲咁嘅嘢！”否認唯恐不及。高大英俊，G4台型，富有男人味的他，説沒女生仰慕，難以令人信服。“或者有人驚我呢，我唔出聲時，個樣幾得人驚。（當年太太有冇驚？）我主動追佢又唔同。”如今，“馬神”心目中，亦有幾個花旦追佢（拍劇集）——

    佘詩曼！當年封視后的《鳳凰四重奏》，與馬神合作的。“有看阿佘的《新聞女王》，好想再合作；不過，轉演民初劇更佳。”原來，馬神滿肚密圈，三年前，馬神與兒子馬在驤以父子檔演出《我家無難事》，“如果再有人找我們父子合拍劇集，都會接受。”又説，兒子剛大學畢業，還未確定未來路向。二十五歲的馬在驤，跟爸爸一樣生得高大健碩，感情生活不愁寂寞，與女友分手後，去年公開新歡芬蘭籍女友。問馬神何時做老爺？“佢都未結婚點做呀？冇諗，完全唔係我控制到的……”

    黃智雯！戲中演夫妻。“智雯演戲方面好成熟，自《東山飄雨西關晴》後，第三度合了。佢與以前演戲好唔同，但佢本身性格冇變，仲係好開朗……”

    張曦雯！戲中不離不棄的紅顏知己。馬神與她第三度合作。“曦雯變化好大，她的角色偏向反派，又惹人討厭。幸好她演來沒有包袱，演得不俗……”

    劇中不少歇斯底里的夫妻爭吵場面……現實中，與太太張筱蘭結婚多年，可有大吵大鬧？“年輕時，夫妻間吵鬧一定有。”馬德鐘坦言，“現在，很少吵架了……”他並分享夫妻間解決問題的方法——“有問題，先靜一靜，唔好衝住個火頭去硬碰；好多嘢，當你冷靜之後，每一樣嘢都可能係好小事。只不過，在小事之中，大家頂吓頂吓，便撞出火來，變咗大事！（多數你認錯認低威先？）誰先認低威都無所謂，咁多年夫妻了，睇情況去遷就……”難怪馬神與太太越來越恩愛。

    劇中演的楊萬森，左擁右抱，兩女癡纏，令不少男觀眾羨慕，馬神卻稱：“我並不享受，諗起都幾難應付，（時間？精力？）好難講，每個人需求唔一樣，有些人可能好享受，（你唔享受？）戲中我個角色都唔享受啦。兩個女人好多事發生，會搞到自己……做人應該自在啲！”

    高梁