Kent哥扶持後進

    兩屆金像影帝鄭則士，TVB執到寶，竟能邀他拍電視劇，也許遇到老拍檔。三十年知交王偉仁，鄭則士上位的《肥貓正傳》監製，又是新劇《神耆小子》的監製。台前幕後幾十年老拍檔，自言擦出新火花，“肥貓”變了“老虎狗”……。

    “鄭則士白手興家，零食集團CEO，硬凈成性……。”監製王偉仁講古，為肥Kent塑造新形象：“無論在商場或屋企，有佢講冇人講；兒子繼來（曹永廉飾）、女兒有方（傅嘉莉飾）、情人知己（樊亦敏飾），表面言聽計從，實則各懷鬼胎。老闆對三人亦存戒心，以遺囑作為籌碼威脅。一天，遭綁架……。綁匪聲言，受其家人指使。路過綁架現場，不幸驚鴻一瞥的路人甲趙一鳴（冼靖峰飾）捲入了漩渦，波詭雲譎了。”

    第一次拍劇，冼靖峰好彩，與一班好戲之人對手，亦不好彩，靚仔，亦黯然失色了。

    劍膽琴心！五十年演戲經驗，兩奪金像影帝的Kent哥，是次主要對手是劇壇初哥冼靖峰，差距兩個極端。“全靠Kent哥貼身指點。”阿峰意外驚喜：“首先，Kent哥教我講對白，揣摩角色。然後是近乎二十四小時指導和慰問。因為，拍戲期間，我還參加綜藝節目；Kent哥耐心與後輩分享他的人生經驗。每日拍完戲，一齊食飯，講他的演戲經驗，指點我如何更好裝備自己。”

    拍完《神耆小子》，阿峰去拍《亞洲超星團》。“Kent哥差不多兩三日就同我講加油，問我甚麼狀況，遇甚麼困難，呢啲前輩何處找尋……。”與鄭則士特別投緣的冼靖峰坦言，Kent哥與自己過世的爺爺很相似，“都係老頑童又有威嚴，所以我對Kent哥，越來越唔怕佢；一開始好驚佢。”

    初生之犢，遇“肥貓”、“老虎狗”。還有，冼靖峰好感激樊亦敏(Amy)提點：“平時要睇多啲影視作品，Amy姐教我嘅。”冼靖峰話：“佢仲叫我熟讀劇本，埋位時，就知道各人講緊乜嘢，自己心裏有數，就可以好自信咁講自己對白出來；自然流露，角色説服力會強好多。”

    劇集初哥，在鄭則士、樊亦敏身上學文戲，學喜劇。眞幸運，與蕭正楠亦有大量“廝殺”場口。播出的官方預告片，二人不但經常口角，蕭正楠更喪扯Kent哥底衫，肚腩抖顫，搞笑火爆。

    高梁