25F路線為連接石排灣至關閘的一條快速巴士路線，現時服務時間為上午6站點，故自2013年4月2日開通後，搭乘人次不斷增加，過去交通事務局已先後透過延長服務時間和縮短班次頻率，以回應客況需求。

隨著石排灣公屋群入住人次增加，交通事務局將於本月12日(周二)起，進一步延長25F路線之服務時間，由上午6時至晚上11時55分，上午6時至9時30分之繁忙時段10分鐘一班車，下午4時至晚上8時之繁忙時段6至10分鐘一班車；上午9時30分至下午4時，以及晚上8時至11時55分之非繁忙時段則30分鐘一班車。

除上述路線，現時還有15、25、26、26A、50、N3六條一般巴士路線，及22F快速巴士路線，可供居民從石排灣公屋群往返仔市區及澳門各區。交通事務局將持續注視石排灣公屋群的入住情況和相關巴士服務客況，以便因應實際需要，適時增加班次和調整服務，從而更好地配合居民的出行需要。

奉公守法

政府終於下定決心檢討的士法律制度，推出諮詢文本，用一個半月時間睇下大家有詳意見，消息一出，議論紛紛當然「放蛇」執法，市民同旅客都話讚，希望能夠撥亂反正，令的士行業重回服務正軌。至於業界有意見贊成，也有意見不太認同，覺得好似被標籤，「的士佬無個好」。其實大家都知的士違規情況有幾嚴重，那怕當局加強執法，但往往由於搜證困難，追究過程費時失事，令打擊成效事倍功半。

「放蛇」無疑一種較為有效手段，況且本澳法例規定不能誘使犯罪，只能姜太公釣魚，若然光明正大，又使咩驚人捕你，只有其心不正，才會杯弓蛇影，唔知真蛇定假客，擔心被咬中。文本亦提議裝錄音設備，出事唔使拗，聽帶就知是非黑白，有意見擔心會侵犯私隱，其實只要標示清楚車內有錄音裝置，自然不成問題，現時好多機構部門都咁做。至於咪須要釘牌，或者改為停牌處罰，仍有討論空間。

有守規矩業者話，澳門交通擠塞，照正路真好難搵食，花大半個鐘先收得你幾十蚊，一更唔到幾多轉，都好想加入客行列。話雖如此，但呢外在因素早應計算，唔應該作為違規藉口。老實講搞到要諗咁多方法對付你，一定有原因，的士業界該好好自我反醒一下，究竟一小撮害群之馬，定一窩蜂跟隨，弄得神憎鬼厭。法律是保障大家最後防線，奉公守法理所當然，以身試法懲罰難免。

　　山草