可能鬼仔性格啦！運輸工務司司長羅立文於立法會施政答問表現技驚四座、金句連連，昨面對議員提問時更「性格」回應，稱他自己不喜歡答「會研究」、「做好啲」，又話不會不處理問題，「放喺度唔處理……我冇呢個性格」。
羅立文第二日列席立法會繼續以其「鬼鬼地」廣東話回答議員提問，坦言自己「中文麻麻」，「希望大家明白，如果有啲問題我答得唔係好清楚，或者答覆唔係好好呢，係因為我啲中文唔足夠，希望每一次來都會進一步。」
在輕軌等公共工程問題上，羅立文重申會去處理解決，「唔話肯定但會盡量」，強調判給了就期望能完工，超支、超時也是要完成，出問題就去處理，不會把問題「放喺度」，因非其性格，「同我個性格或者有少少唔同、出入」、「我就無呢個性格」。
不過，羅立文也指出，現時有許多問題需要處理，但不敢去承諾更多，而且當下本澳有一種概念，但凡任何一有問題便推給政府去處理解決，如私樓滲漏水，但可以肯定的是這樣工作根本做不完，也沒有能力去兼顧這麼多瓣。
到棘手的車輛增長問題，羅立文則直認政府冇計：「我唔想講一啲說話、唔鐘意講話我要去研究、我要去做好啲……」並繼公開招聘多個局長空缺後再向外求救，「有啲咩好辦法解決呢啲問題呢？一個月多九百架（車）我諗冇咩（辦法），如果各位有，我好歡迎收到個啲辦法！」
羅司力挺汪雲工作能力‧如係自己亦會作同一決定
羅立文談到公務員士氣低落問題時，希望外界明白他們的壓力和環境局限，更不點名力挺坐在身旁、即將離任的交通局局長汪雲。他稱，在回澳做司長以前並不認識「呢個同事」，惟回來後見十個人有八個都會向他提起「呢個同事」，可經過四個月工作就有新看法，「呢個人職業功夫係得到我的欣賞、我的尊重」，「我完全明白、完全接受（他辭職私人原因），如果我係他，或者、唔係或者，係都會有有同一個決定」。
議員紛讚羅司：應該早啲返嚟做
面對羅立文「有嗰句講嗰句」的回應態度和表現，議員施家倫、唐曉晴等紛紛給讚。議員徐偉坤更贈羅司一個英文字母「T」字，讚他有承擔不卸膊，選擇不做「太平官」，來做「最熱的廚房」運輸工務司司長，「你唔係有承擔係乜嘢呢」。
議員麥瑞權也同樣認為羅立文不止宜做外交官，更適宜做運輸工務司司長，不諱言在聽完羅司回應和看完傳媒報導，加上工程業界反映批則較以快許多，實有感「你早啲返嚟做司長唔使搞成咁」，認為羅司才是真的「科學施政、以人為本、用心為民」，「唔使呃人，你講晒啲真相出嚟，大家都明白好多」。
連立法會主席賀一誠在結束會議時也參一腳，特別鳴謝羅立文在施政答問最後兩日裡帶給議會「好大的歡樂」，「真係好好一個回應，大家都係聽到好坦率回應，我諗大家都好有感概，所以大家都係實事求是去處理我們面對的問題。」