捧愛華頓拔“刺”

媒體

分類

新聞

英超球隊中，講到最爛打必揀愛華頓。由開波踢到最後一分鐘都係咁體力化，呢支硬骨頭球隊絕對屬於一支搗亂分子，開季至今表現亦可圈可點，尤其主場出戰，任何一隊爭標強隊都未驚過，今晚對住實力派嘅熱刺同樣冇有怕，至少在主場可繼續保持不敗。

熱刺近四戰取得三勝一和，但實際發揮只係中規中矩，之前三球大敗韋斯咸腳下及險勝侯城，顯示出球隊攻守兩方面仍有不足之處，今仗要與善打埋身肉博的愛華頓激鬥，相信會屬於苦戰一場，既然初盤平手各不相讓，一於揀主場極惡的愛華頓坐和望贏。

愛華頓今季在自己地頭有三勝一和佳績，強如車仔亦成為手下敗將，可想而知主場氣勢相當霸道，聯賽亦只曾不敵曼城，證明球隊具一定戰力之餘，前中後三線非常均衡，有力與熱刺一決高下。

熱刺今季確實加入唔少具份量級球員，戰力與替補板凳深度無疑得到提升，可惜仲未踢出應有強勢，九場聯賽只攻入九球，鋒力依然未夠銳利。

值得一提熱刺近六次作客葛迪遜公園球場未贏過，近三場更加連敗，今仗和波亦算功成身退。

推介 :愛華頓 2:1

足球評述員 Ben