祖記博命要斬“馬”
歐冠盃分組賽今明兩日又再開戰,明日凌晨重頭戲有祖雲達斯火併皇家馬德里,祖記三戰過後只得兩分,出線形勢相當惡劣,今戰激鬥皇馬卻要非勝不可,否則主動權落在其他對手身上,搏殺情況下,有望報回上仗在貝拿堡球場一敗之仇。
皇馬三戰三勝,已領先第二嘅加拉塔沙雷五分,基本上已穩入十六強,球員鬥心極可能影響戰局,況且兩隊首回合交鋒,皇馬所佔優勢唔多,只係打多一人形勢下一球險勝祖記,今晚作客實在毫無勝算,初盤平手,可捧祖雲達斯主場掃“皇”。
祖記近三戰及時回勇,三連勝之餘攻入七球兼零封對手,進攻及防守明顯有改善。講返上場作客皇馬,祖記整體發揮實在唔差,全場互有攻守,中目標射門仲多過皇馬,若非捷連尼半場被罰離場,祖記未必一球飲恨,只要今仗踢出當日水準,至少可坐擁不敗。
皇馬上場聯賽對住弱隊華歷簡奴幾乎玩出火,皆因防線“沙沙滾”,近兩場共失五球,後防仍有唔少漏洞,今晚對住以迪維斯為首、必定狂攻的祖記,皇馬必有所失。
推介:祖雲達斯2:1
足球評述員 Ben
留言