蝙蝠軍必“聖”
西甲傳統勁旅華倫西亞今季表現令人大失所望,聯賽已跌落中下游位置,唯有寄望在歐霸盃能爭取佳績。今晚將要作客瑞士,再會手下敗將聖加倫,只要再次擊倒對手,出線形勢一片光明,爭勝決心無需多疑。
聖加倫三戰只得三分,要殺入十六強今仗許勝不許和,奈何球隊戰力確與對手有較大差距,就算佔有天時地利人和,睇怕亦難以扭轉敗局。初盤華倫西亞讓半球,首回合大勝嘅蝙蝠軍料可再次“加”分。
聖加倫上場作客華倫西亞的確輸到全無還擊之力,大門被蝙蝠軍狂轟廿七次,其中十六次中目標,門將盧柏真係撲到氣咳,一比五落敗都算輸得少。反映出球隊仍未有足夠實力在歐洲賽發圍,今仗唯有在主場盡力與對手一拼,只望不至於再一次大敗收場。
華倫西亞目前有六分在手,只要今戰斬殺聖加倫,就可以抛離對手,否則下一仗作客史雲斯就相當難打,所以絕對不可留手。上場聯賽擊敗加泰,不但可以加強球隊士氣,亦係華倫西亞近五場作客第三場勝仗,其餘兩戰一和一負,作客亦值得信賴。
推介:華倫西亞2:0
足球評述員 Ben
留言