烏墨齊開殺戒
今晚有兩場世界盃附加賽首回合上演,早場有亞洲區嘅約旦主埸迎戰南美勁旅之一烏拉圭,跟住凌晨有新西蘭對墨西哥,兩場波都算係強弱之戰。
先講頭場約旦對烏拉圭,基本上屬於越級挑戰,計世界排名,約旦低過烏拉圭幾十位,講人腳更唔需多講,要與擁有世界級球星在陣的烏拉圭相比,根本難以比較。雖然約旦近兩場熱身賽分別擊敗兩支非洲球隊尼日利亞與贊比亞,但只係友賽性質,且尼日利亞亦只派出二、三線人腳出戰。今仗係搏命之戰,對手烏拉圭肯定唔會“就住”嚟踢,約旦絕對冇運行。
烏拉圭有蘇亞雷斯、卡雲尼及科蘭三大攻擊手,已經係贏波最大保證,只係贏多贏少,初盤烏拉圭硬讓球半,最少贏兩球冇問題。
墨西哥對新西蘭相信戰況更加一面倒,墨西哥在中北美洲區都屬於“大哥”級,搞到要踢附加賽都算醜,如果大吉利市入唔到決賽周的話,墨西哥真係顏面何存,皆因對手只係排名九十位嘅新西蘭,主場贏少兩球都當輸。
雖然新西蘭上屆有份踢決賽周,但唔代表球隊有太強實力,避免夜長夢多,墨西哥主場必大斬對手,初盤讓兩球讓得起。推介:烏拉圭3:0;
墨西哥4:0
足球評述員 Ben
留言