房策有冇效?議員有彈讚
房屋政策成昨日辯論焦點,多位議員表示失望,唔收貨,更稱政府挑戰居民的忍耐力,但亦有議員為政府說情。在發言議員中,以陳亦立發言最有力,身為著名兒科醫生的他都抱怨買唔起樓,以後都唔敢有換樓念頭,直指樓價脫離購買力,對澳門居民不公平。
首場工務領域施政方針辯論,共十六名議員發言,過半都有觸及房屋問題,正反意見都有,陳亦立最到位。他表示,樓價高企叫人質疑劉司,但劉司確有困難,如夠膽將樓價推低,個個都負資產,可能更多人埋怨。但任由樓價升,很多買不起樓者確相當困難。以自己為例說,早前想由氹仔搬回澳門,發現自己都無能力買樓,“三房一廳南灣區,好舊二十幾年樓都話過千萬。稍為光猛少少、大少少,三千幾萬。搞到我都唔敢再考慮換屋嘅問題。”
不同議員對房策有不同意見,關翠杏指政府房策核心目標有兩個,即構建健康市場及適時供應公屋,以此為標準的房策就唔合格。現不論政府如何做,都冇辦法向目標進發,澳門人越買越貴、越細、越舊。樓價不斷攀升,脫離居民承受力,公屋供應又滿足不到訴求,居民日日問幾時派表,“你叫市民點樣安心?點樣滿意公屋政策?”
李靜儀不認同政府說超過八成居民住在自置物業的數據,“我哋後生仔,想要買層好少少嘅私樓,郁啲就幾百萬,真係孭成身債,打一世工都未必還得到。咁樣嘅發展,社會點會冇怨氣?”要求政府檢討需求,加大公屋供應。陳美儀說房策無新意,令人失望,反問就算八成澳人住在自置物業,即政府只要多建三萬六千多個單位就可滿足餘下兩成家庭置業夢,政府又有何規劃?何潤生力數房策諸多不是後,質問劉司房屋是解決澳人住屋的必需品,還是商品讓人獲利?強調如政府繼續放任,即挑戰居民的容忍力,促政府急居民之所急,多建公屋,出招調整私人市場。
蕭志偉及劉永誠有不同看法。蕭說,社會不應否定長效機制,此有利社會長遠發展。政府對房策推出不少政策措施,符合社會發展,相信政策有效落實將有成效並回應到社會訴求,使市民對政府有信心,其中執行最重要,若不到位,政策會大打折扣。劉永誠表示,政府短期內完成萬九公屋,現公屋數量比○九年增加五成多,佔全澳住宅兩成一。同期落成公屋遠超私樓。另“社屋為主、經屋為輔”照顧到低收入人士,政策合理。政府近年又制訂了多項完善市場的法律,成績值得肯定。
留言