祖記遇“雷”暴
歐冠盃分組賽今晚只有一場關乎出線的大戰,由加拉塔沙雷對祖雲達斯。加拉塔沙雷許勝不許和,料必會集中火力全力搶攻,但祖記勝在大戰經驗十足,加上和波亦可殺入十六強,穩打穩紮踢法更屬於強項,加拉塔沙雷要取勝實在相當困難;不過,初盤開出祖雲達斯要讓半球,首回合雙方踢成二比二平手,再對上一次交手,祖記更以兩球落敗,似乎優勢唔多,受讓嘅加拉塔沙雷值得捧場。
首回合加拉塔沙雷的確被祖記攻到有氣冇定唞,但由守轉攻效率相當快,埋門一腳亦極具威脅,始終杜奧巴仍有一定殺傷力,仲有葡萄牙小將般馬與土耳其國家隊射手布魯特,前線有足夠彈藥,只係中後場大將唔多,只有史奈積達可以獨擔大旗,防守更係最大隱憂,要守住迪維斯、羅蘭迪及維達爾嘅攻擊線,加拉塔沙雷有一定難度,形成祖記有機可乘。
唔輸得嘅祖記今仗必會穩中求勝,以干地一向風格,亦深知作客地獄主場絕對唔易踢,必會加強後防截撃力,目標只要保住不失就可過關,預料和波機會較大。 推介:和波1:1
足球評述員 Ben
留言