澳門足球員,加油!
本年度澳門最佳運動員選舉日前進行頒獎禮,首先在此祝賀各位得奬運動員。所謂成功非僥倖,呢班運動員肯定經過唔少艱苦磨練。你哋嘅努力及奮鬥精神終於得到最大鼓勵,希望各位運動員繼續堅持,為本地體壇爭光。
睇返得奬項目非常多元化,武術、游泳、花式單車、鐵人三項、柔道、空手道、保齡球、田徑,仲有比較冷門嘅獨木舟、劍擊同小型賽車等等,甚至特奧同樣榜上有名,都算得上百花齊放。
感到可惜的是,最受大眾歡迎嘅足球項目,並無任何人士可以得到奬項,身為“愛波”的我真係感到心酸。澳門足球運動員大大話話都有幾百人,代表隊成員亦唔少,但始終無一當選,係咪反映出本地波叻極有限?抑或係足運體制問題?呢方面確值得檢討。雖然奬項唔代表乜嘢,但得到認同就係最大鼓舞。
點都好,打波仔始終波癮大,最緊要有得踢,多參與比賽。雖然本地足球圈出路實在有限,但“波總”每年都搞搞新意思,至少季尾亦選吓足球先生、神射手、最佳年青球員等等,總好過冇。各位踢波仔,比心機!加油!
足球評述員 Ben
留言