任達華呻捱冷辛苦
任達華最近接受有線高清娛樂台《電影蒙太奇》主持可宜訪問,暢談拍攝新片《3D冰封俠:重生之門》的難忘事。
甄子丹今次既是任達華的演戲對手,亦是這部電影動作導演,任達華大讚子丹:“佢對武術好有熱誠及清新感,而且要求好高!子丹花咗唔少心思喺打鬥場面上,例如有一幕在長白山拍攝,當地不單止好凍,仲有雪崩。全靠大家嘅努力,我哋先可以喺重重困難同惡劣環境下完成這部戲。”
任達華直言在長白山拍攝要捱凍很辛苦:“我平時有做開運動,身體冇咩脂肪,所以喺零下廿幾度嘅長白山拍攝時更加覺得凍,特別辛苦。”任達華更直言不想電影再開拍續集:“我拍完《冰封俠》後,好怕凍,唔敢食沙冰,就連飲嘢都要揀熱飲。”
留言