歐冠四強激戰難免
歐冠盃明晚開始又展開四強廝殺,最受波迷重點關注的應該係皇馬與拜仁對碰,兩隊都捧為奪標頂頭大熱,所以激戰在所難免。
不過,明晚先睇異軍突起嘅馬德里體育會鬥車路士。值得一提,馬體會在主場從未輸過畀英超球會,兼且在一二年歐洲超霸盃大勝“車仔”四比一,毫無疑問馬體會的確在心理上稍為佔優。不過,踢波始終逐場計數,唔好忘記“老摩”踢歐冠特别有心得,至少已經連續五年帶領不同球隊打入四強。主客制比賽,對於深謀遠慮嘅“老摩”肯定有一套對策,八強點樣踢走巴黎聖日門,足以證明“老摩”非同小可。馬體會要贏嘅唔單只“車仔”呢班波,係要點樣破解“老摩”策略,呢方面就要睇施蒙尼嘅真正功力。
講返皇馬對拜仁,或者可以稱為王者之戰。皇馬剛剛殺敗死敵巴塞捧走西班牙盃,球隊士氣相當旺盛,加上先踢主場,誓要搶得先機,絕對唔會坐以待斃。何況近四次主場對住拜仁取得全勝,拜仁首回合都咪話唔驚。
總括而言,邊兩隊可以殺入決賽實言之過早,兩場四強賽一定殺得天昏地暗,各位波友又點可以錯過?
足球評述員Ben
留言