千嬅爆彭浩翔表演慾強
彭浩翔、楊千嬅、梁詠琪(GiGi)早前接受有線《電影蒙太奇》節目訪問,大談拍攝《香港仔》的難忘事。
千嬅指這是第三次和彭浩翔合作,大家更有默契,但卻笑說彭浩翔偏心,對梁詠琪較好。彭浩翔立即解釋:“我唔係偏心!係因為千嬅嘅角色比較沉重,我唔騷擾佢培養情緒。反而GiGi角色性格比較輕鬆,所以我哋喺片場可以有講有笑啫!”
提到彭浩翔表演慾很強,千嬅突然大爆對方的表演癖好,“彭浩翔成日都話要同我演情侶,背景設定仲要係姐弟戀。(彭浩翔唔係大過你嗎?)咪係囉!我都唔明啲男人明明比我大,都要話做我細佬。而且佢野心好大,要演個攞獎嘅角色,所以佢話要演個有智障嘅人,之後就成日係片場扮畀我睇,仲問我似唔似。”
彭浩翔目前已跟電影公司簽約做演員,他表示轉戰幕前主要原因是當導演太累,想多發掘自己另一方面的才華。
留言