紅軍大鬧水晶宮
英超爭標形勢已進入白熱化,如無意外唔係曼城就係利物浦。曼城剛殺敗愛華頓,以較多得失球差力壓紅軍,正式坐上榜首位置,重奪英超錦標形勢大好。至於利物浦,由於上場不幸慘敗車路士腳下,奪冠就變得非常被動,除要直殺兩場外,仲要曼城意外失分,否則紅軍今季努力會功虧一簣。
今晚作客水晶宮,紅軍必須全取三分外,更希望球數入得幾多就幾多,盡量將得失球差與曼城拉近距離。引用醫生一句口頭襌:一定要振作,千祈唔好放棄任何希望。
水晶宮都算助人為快樂之本,上仗對曼城踢得相當“放”任,跟之前五連勝表現完全兩回事,球員嘅拼鬥心與積極性明顯鬆懈,可能“龍王”佩利斯賽前講過,“我哋已經完成今季任務”,所以令球隊心態又係等收工。正所謂順得哥情失嫂意,既然對曼城放軟手腳,今戰對住利物浦,水晶宮冇理由會與紅軍搏到“甩轆”,除非有好大仇口,呢三分,中意嘅咪攞去囉!初盤利物浦硬讓球半,以紅軍超強攻力,加上“蘇七”嘅神射手地位,至少贏兩球以上冇走雞。
推介:利物浦3:1
足球評述員Ben
留言