科技可否促澳足發展?
今時唔同往日,講緊嘅除了社會變遷,足球場上同樣啱用。賈某所言非虛,祇要看看早前西甲賽場馬體會和華倫西亞的比賽,便會見到教練團戴上Google Glass,型爆之餘更能分析賽事數據,實行科技強隊,克敵致勝。
諗返起學生哥踢波年代,大多穿“白飯魚”這雙原始又實用裝備上陣,邊會諗到原來電子科技能夠應用足球場上。在美國的NBA和NFL,教練會利用平板技術協助戰術運用和分析賽事數據。足球界利用科技例子相對較少,較著名只是拿坡里教練賓尼迪斯自設的iPad足球教練Apps。只是世事無絕對,西甲賽場馬體會及華倫西亞教練團則開創先河,在球場上使用Google Glass取得即時數據,讓教練即時分析球賽,協助球隊贏波。
除了西甲,據悉將來Google Glass亦會出現在德甲賽場上,為球隊提供即時重播服務。各路勁旅有了科技幫手,贏波自然更無往而不利,話唔埋到時教練場邊不斷寫紙仔畫面亦成絕唱。賈某突發奇想,這些科技強隊裝備能否促進本澳足球事業發展、水平提升?姑勿論是否可行,在澳門足球事業寸進前行、國際排名未見起色之時,社會各界係時候諗諗計,搞好本澳足球青訓、聯賽發展,培養更多潛力新星、讓更多人能夠投身真正的足球事業。誠如有足球員所言,澳門街支持、熱愛足球者其實不少,做好規劃、發展,澳門足球明天可期。
賈大廚
留言