藍白回歸?
早兩日“High Tea”時間撞到幾位舊波友。正所謂後生講“菲士”,老來講歷史,講返小弟曾在藍白時期一啲威水史。
相信好多老球迷對藍白一定唔會陌生,尤其在九十年代至二○○○年中,可以話係本地球壇一等勁旅。九十年代初,更邀請當時由“范大將軍”范志毅領軍的國家隊來澳踢慈善賽,當時蓮峯球場坐無虛席;二○○○年至二○○四年更連續五屆奪得甲組小球聯賽冠軍,不過小弟當時已開始隱退。
點解咁多嘢唔講,“無啦啦”講藍白?因為最近收到風,藍白因退出本地甲組聯賽,所以連青年組亦無法參加。不過既然屬青年軍比賽,球會又有意培育年輕新秀,法例不外乎人情,波總何不適當變通?
聽聞藍白今季報名小球聯賽,要經波總理事會開會研究。不過,記得舊年波圖與藍白情況相同,仍可在甲組小球亮相。相信仍有機會在球壇再見到藍白的名字。
足球評述員Ben
留言