巴塞讓波難“體”好
西甲今晚上演終極一戰,巴塞羅那在魯營球場擺陣,迎戰馬德里體育會,爭奪今季王者之位。由於巴塞落後三分,今戰非勝不可,否則衛冕失敗。睇返近五次與馬體會交手,巴塞未贏過,只得四和一負,完全佔唔到任何優勢。今仗只許成功不許失敗,巴塞除要抗衡對手外,壓力更是成敗關鍵。
如果馬德里體育會未能保住不敗而失去錦標,可以話咎由自取,連續兩場聯賽失五分係最大致命傷。不過,主帥施蒙尼對打強敵確有對策,作客要贏波的確相當艱難,但要力保不敗,馬體會仍有一定機會。初盤巴塞羅那讓半球/一球,一於捧馬德里體育會能抗戰成功。
無可否認巴塞嘅地面式踢法,今季已多次被對手睇通睇透。球隊近期狀態亦起落不定,尤其進攻核心美斯,威脅力明顯大減;另一殺手尼馬因傷避戰。數糊能力削弱下,巴塞要擊倒馬體會確實唔易。
馬體會嘅爭冠鬥心無需多講,球隊上下一心,衆志成城,肯定波到人到,腳腳七注。呢班拼命“十一郎”必令巴塞攻守兩難。
推介:和波1:1
足球評述員 Ben
留言