紅牛形勢不“利”
繼荷蘭大炒西班牙之後,前晚德國又虐殺葡萄牙,歐洲雙“牙”認真出師不利,一開波就畀對手打到落花流水。
其實德國贏波係正路,但估唔到一啲面都唔畀“球王”C朗,狂數四蛋,“火爆王”柏比應該係大罪人,令球隊慘敗收場,同組嘅美國以二比一擊敗加納,葡萄牙要出線真係幾“忟水”,除要連贏兩場外,仲要睇最後一場德國對美國,唔好忘記德國主帥路夫與美國教頭“文哥”係老友到一條底褲兩份穿,輸四球咁大鑊嘅葡兵,隨時計對賽出局。
上場經過慘痛一役嘅西班牙,明晨就要火倂智利,呢場生死戰,“紅牛”確非勝不可,但唔係你話贏就贏,智利並非善男信女,不單止有一定戰鬥力,而且攔截硬朗,今戰必會針對“紅牛”中場踢法,西班牙實在毫無必勝把握,初盤西班牙讓半球/一球,受讓嘅智利值得考慮。
西班牙上仗暴露出唔少弱點,尤其防線上漏洞,被荷蘭三兩腳反擊已經自暴其短,點樣應付對手打穩守突擊,“紅牛”似乎束手無策,今仗要狂攻對手,分分鐘又中招;只靠一個十二碼“開齋”,鋒力亦令人質疑,勝算真係唔高。
推介:和波1:1
足球評述員 Ben
留言