徐雪茵愛上雲佩斯
今屆世界盃爆冷賽事不少,多支傳統勁旅先後無緣晉級十六強,令不少球迷在餘下賽事轉軚支持其他球隊,本澳跳水運動員徐雪茵亦不例外。
由於工作關係,徐雪茵並非每場賽事都會觀看,只選擇部分焦點賽事來感受一下氣氛,她原睇好西班牙:“本來我支持西班牙,不過佢而家出咗局,唯有撐第二隊,之後諗住支持墨西哥,見佢個龍門幾勁,點知佢尋日又出埋局。而家都煩惱緊撐邊隊,但我諗應該會支持阿根廷,睇佢哋個款好似唔錯,應該都有機會攞冠軍。”
對於今屆最喜歡的球員,徐雪茵就指鍾意荷蘭的雲佩斯:“雖然我平時唔係成日接觸足球,但上次佢對西班牙個一下飛頂,真係好型,搞到我有少少鍾意咗佢。”
本報記者
留言