美斯再度獻“瑞”
由馬勒當拿年代開始,阿根廷就係小弟熱捧的球隊,今屆當然唔例外。不過老實講,阿根廷雖然在分組賽三戰三勝,但贏得相當牽強,唔好忘記三場對手只係波斯尼亞、伊朗及尼日利亞,實際上唔算太強,似乎仲未踢出霸氣。今晚十六強遇上瑞士,同樣威脅性應該唔大,皆因過往六次交手,阿根廷四勝兩和未輸過,而上次對賽,美斯大演帽子戲法,越戰越勇嘅美斯今戰更加信心十足。
瑞士在最後一戰擊敗洪都拉斯出線,屬於非常正路,入到十六強對球迷亦有所交代,但大敗法國一役,證明球隊仍未有足夠戰力向列強挑戰,對住奪標熱門之一嘅阿根廷,應該行人止步,初盤阿根廷讓一球,捧“藍白間”最多走盤。
另一場由比利時對美國,好多所謂球評家都認為比利時屬於黑馬,但睇返分組賽表現,感覺上並不突出,三場波僅贏對手一球,且發揮只係一般,今戰對住實力不容忽視嘅美國,讓唔起囉!
加納、葡萄牙及德國都係唔簡單的對手,美國表現絕不失禮,進攻與防守都踢得比較實際,高空波更加係強項,根本未驚過呢支所謂黑馬,初盤比利時讓半球,受讓嘅美國可以值博。
推介:
阿根廷 2:0
美 國 2:1
足球評述員Ben
留言