阿根廷冇得加“時”

媒體

分類

新聞

今晚繼續有兩場八強戰，頭場有阿根廷火併比利時，之前捧阿根廷嘅老友肯定火都嚟埋，皆因四場盤路全軍覆沒。事實上“藍白間”整體發揮亦相當牽強，四場波基本上只靠兩三名核心球員奠定勝局，直接講就係美斯、迪馬利亞及馬斯卓蘭奴，食粥食飯真係要睇呢三大主力嘅表現。

對手比利時亦唔好得好多，同樣欠缺整體踢法，甚至個人主義比阿根廷更嚴重。如果單靠埋門個人力量，阿根廷始終較為優勝，加上有半個主場之利，的確可以睇高些少。

初盤阿根廷讓半球，搏“藍白間”九十分鐘內可以解決歐洲紅魔。

尾場由荷蘭戰哥斯達黎加，初盤荷蘭硬讓一球，係四場八強戰當中，讓盤最多一場，“大莊”又點會死錯人，足以反映出哥斯達黎加實力明顯稍遜一籌。冇錯，德國亦高過阿爾及利亞一班，但一樣要食蕉！

小弟推介荷蘭原因好簡單，因為洛賓、雲佩斯、史奈達及古爾特等都係爭勝慾望相當強嘅球員，況且四場比賽攻入十二球，入球有保證。

哥斯達黎加今仗防線有極大隱憂，兩大守將米拿與杜亞迪一傷一停賽，防線出現危機。

推介：阿根廷1:0

荷蘭2:0

足球評述員Ben