靚靚台上爆“房事”
“煤氣燈不禁影照街裡一對蚯蚓,照過以兩心相親,一對小情人……停!停!停!”唱梅艷芳的《夢伴》只幾句,“靚靚”嗌停音樂,她擔任張智霖演唱會嘉賓,突有所感說∶“張先生一直都知我好鍾意在紅館唱歌,講眞,以我的歌藝有點難。所以今次他請我做嘉賓,二話不說就答應了,即刻揀歌、揀衫,因我驚他反悔。”音樂續起,“今天今天星閃閃,剩下我漆黑中北風中帶淚……。”
靚靚不像嘉賓,更像以女主人身份表白,“對不起!過去兩個月,智霖彩排如火如荼,我去了青島拍戲。於是,他除了應付沉重工作外,還要料理家中大小事務。開頭我好擔心,問他掂唔掂呀?唔掂的話,我可以不去。智霖話,每個人都需要工作,不要因為他的事而影響我的決定,我當然即刻去掙錢啦。”
影后靚靚,久歷娛場,知道粉絲需要分享“久別勝新婚”,靚靚把話題拉上“床”——“相信大家見到他鋼條身形,覺得我一定是最大得益者。事實並不是,當晩……”靚靚呑嚥口水,給粉絲留下空間,想像那一場乾柴烈火,如何生呑活剝“唐僧肉”。“我一個轉身攬實他,點知他仲攰過我,郁都唔郁。我即展開第二個攻勢,我狠狠地抱着他去錫,我聞到只有藥油味……”靚靚娓娓道來“床上秘”,全場聽得頗為入味,孰不料,巫山無雲無雨,靚靚幽怨道,“這一刻,望着這個沉睡之人,我覺得他為事業、為家庭,不停鞭策自己。我再一次同自己講,我冇嫁錯這個人!”服了靚靚,口述床事,竟那麼勵志。贏得了歡呼掌聲。
智霖、靚靚與哥哥生前是好友,深諳演唱會“秘笈”了。當年張國榮金句,“想知我內幕呀,我講,出錢買票啦!”於是演唱會大爆。哥哥言而有信,他赤着上身,披長髮,首次爆出“我的摯愛”,開創了演唱會新風——唱歌加棟篤笑爆內幕。演唱會門票越來越貴,也越來越抵睇。生仔、結婚、離婚、同性戀,都留待於個唱披露了。又多了一個題目∶“疲不能興的夫妻行房”。
靚靚流着喜淚,智霖送上紙巾,“不懂唱歌就演戲啦”,並獻唱《今生今世》給老婆聽∶“天也老任海也老,唯望此愛愛未老。”
高 梁
留言