楊思琦自認鐵人媽咪
昨日,楊思琦為“小熊維尼與跳跳虎探索奇妙大自然”夏日活動揭幕儀式任嘉賓。
思琦妹受訪時表示,雖然她要努力賺錢養家,但仍不會忽略照顧女兒。她說:“我在囡囡瞓覺前都會講故事畀佢聽,有時又會唱兒歌氹佢瞓。但有時囡囡越聽越精神,最後我要強制熄燈要佢瞓覺。另外,今年暑假,我已帶過囡囡去泳池游咗兩次水,佢玩得好開心,遲啲都想帶佢去沙灘游水。我一有時間都想陪佢去玩,雖然有時都好攰,仲試過開工回家即陪住佢,廿四小時冇休息,但我都心甘情願,仲已練成鐵人一樣。(試過辛苦到哭嗎?)試過,但好彩我識得紓緩情緒。”
談到近來的工作,思琦妹說間中都會返內地登台出騷賺“人仔”,但她暫時沒有經理人,只係由朋友代接工作。
留言