黃牛違法勿助長
仲有一日世界女排就要結束,好多人都愁買唔到入場券,在綜藝館門口就有數名人士出售黃牛飛。希望大家如非必要都唔好購買,因為黃牛飛本身就係不合法,加上如果大家繼續購買的話,只會助長黃牛黨的出現。
相信很多人心中都有支持的隊伍。大家除了在會場內大叫歡呼之外,仲有咩方法可以支持你的隊伍呢?答案就係賽場入口前的一個攤位,專為觀衆畫上彩色國旗,鮮艷又突出,更能夠吸引運動員注意,絕對係一個唔錯的選擇。
實力接近爭持激
中國、日本、韓國及塞爾維亞的實力不相伯仲,每局比分都沒有拉得很開,維持在三至四分內。昨日兩場賽事都打足五局才定勝負,真係唔到最後一刻都唔知勝利花落誰家。韓國對日本的比賽期間,有一球波足足持續了一分鐘未有分出勝負,要知道排球一球若持續一分鐘,需攻守轉換多輪。顯見兩隊防守都十分出色,反應亦好快,電光石火仍能做出反應,真的不容易。
中國隊再遭誤判
中國對塞爾維亞中出現多次誤判,繼首日中國對韓國之後,今次受害者同樣是中國隊。其中最為明顯的一球是塞爾維亞隊扣球出界,中國隊亦沒有任何球員觸球,只有一名球員比較接近球的線路,隨即裁判就判中國隊觸球出界。全場再次充滿噓聲,中國隊員亦一臉無奈,可惜裁判的判決是不可推翻的。
科大實習生 方敏昭
留言