車仔今晚“尼”料
英超首輪最後一場比賽,明晨由“老摩”領軍嘅車路士壓軸出場,作客升班馬般尼。由於雙方實力上有較大差距,如無意外車仔呢三分應該唾手可得。初盤車路士讓一球/球半,有頂級射手迪亞高哥斯達衝鋒陷陣,車仔讓得起。
般尼上季在英冠勇奪亞軍,今季直上英超只有一個任務,就係以護級為目標。可惜球會資源有限,除原班人馬外,只加入四名名不經傳土炮球員,唔好話國腳級,全隊想搵個曾經踢過大會球員都難,戰力有數得計。般尼上季在英冠主場只輸過兩場,都算係靠主場搵食,但車仔一衆球星身經百戰,乜嘢場面未見過,般尼和波當你贏。
上季四大皆空,“老摩”今季針對性改“車”。前線由迪亞高哥斯達及杜奧巴,代替伊圖與巴亞;林柏特中場位置變成能攻善守嘅費比仔;走咗大衛雷斯與A高爾問題亦不大,加入菲臘比,後防兵源依然充足。三線實力肯定比上季強得多,今戰對住實力有限的般尼,可以一試牛刀,呢三分的而且確可以“搬離”。
推介:車路士2:0
足球評述員 Ben
留言