波圖有“利”
明晨繼續有歐冠盃附加賽首回合,揀咗場里爾對波爾圖推介畀大家。雙方實力唔會有太大差距,里爾雖然佔有主場之利,但講到平均人腳質素及歐戰經驗,里爾稍為輸蝕,形成今場波只屬半斤八両,論近期狀態,波爾圖明顯較佳,初盤開出只係平手,波爾圖可以優先考慮。
里爾開季已經踢咗四場正式比賽,包括上圈淘汰瑞士球隊草蜢,以及兩場法甲聯賽,戰績係兩勝兩和,雖然保持不敗,但表現只屬一般。上場作客卡昂,只憑人多打人少一球險勝對手。球隊進攻能力有限,只靠比利時新星奧歷基,及前車路士科特迪亞國腳卡羅奧擔正,可惜前者未成氣候,後者有名無實,數糊能力有待改善。今仗遇上比之前四場更強的對手波爾圖,里爾毫無勝算。
波爾圖上季四大皆空,今季更有兩大主力列謝斯與文加拉離隊,實力稍為削弱。不過,補入馬簡奴、泰路及奧利華托里斯等具質素球員,加上哥倫比亞射手積遜馬天尼斯、辛特路及巴謙美等猛將,足以手刃對手。
推介 : 波爾圖 2:1
足球評述員 Ben
留言