熱刺讓波“遜”唔過
明晨歐洲戰火繼續蔓延,輪到歐霸盃分組賽上演,揀咗英超球隊熱刺作客對柏迪遜推介畀大家。
柏迪遜一向都係塞爾維亞一級勁旅,聯賽排名唔係第一就係第二,雖然水平與英超有差距,但今仗在自己地頭出戰,祇要踢出加一波,唔係完全冇得打嘅。
連埋歐霸盃外圍賽,熱刺開季四連勝,攻入十球只失一球,以為球隊真材實料,點知被紅軍一嘢打沉,上仗又被中下游分子新特蘭逼和,士氣認真麻麻,今戰作客實在毫無把握。初盤仲要硬讓對手一球,唔覺得熱刺有咁勁可以贏到兩球囉,呢隊係柏迪遜,唔係柏金遜。
柏迪遜陣中冇乜知名球員,主要以“土炮”球員為主。球隊近期狀態“弗”到爆,各項賽事七連勝,攻入廿三球只失七球,攻守相當均衡,氣勢已經蓋過熱刺,必捧柏迪遜坐和望贏。
由於雙線發展,熱刺打聯賽與歐戰分兩班人出撃,分配得亦比較平均,但人腳組合並未排出最強陣容,基本上真係唔值得睇好。
推介:柏迪遜1:0
足球評述員 Ben
留言