阿仙奴難做“東”
英超踢咗四輪比賽之後,最令人驚喜球隊應該係阿士東維拉,除了車路士四全勝之外,維拉取得三勝一和,以不敗之身緊守聯賽榜第二位,士氣與鬥志相當旺盛,今晚主場迎戰阿仙奴,絕對未驚過呢支大“炮”。周中去完德國打歐冠盃,今晚又要作客戰維拉,阿仙奴嚟緊連場激戰,就算球員夠狀態,體能亦未必應付得來,仲要對住爛打見稱嘅維拉,睇怕一分亦難保,初盤阿仙奴讓半球 / 一球,捧硬維拉搶“仙”三分。睇返數據,維拉都算喺一支神奇球隊,四場聯賽加埋射中門框其實只得七次,埋門組織能力真係有限,但球隊勝在防守夠穩健,四場聯賽只失一球,證明中後場截擊力相當有效率。上場搞到利物浦老鼠拉龜,紅軍全場只得一次中目標射門,以阿仙奴目前狀態的確幾難攻破維拉大門。阿仙奴在歐冠盃輸畀多蒙特,應該輸得心服口服,因為球隊整體發揮,和波都唔值。事實上,球隊真係踢得太密,每隔三四日就要比賽一場,呢段時間仲要維持到十月尾,呢期要讓波嘅阿仙奴實在不宜過於追捧。
推介:阿士東維拉 1:0
足球評述員 Ben
留言