藍色生死戰揀“車”
英超今晚上演豪門恩怨,兩支最“有貨”球隊,曼城與車路士展開藍色浴血戰。上季聯賽曼城遭到車仔雙殺,最後一次碰頭在足總盃才能挽回面子,兩球撞毀車仔,其實拉勻三場波統計,曼城都佔到一定優勢,控球指數達七成,射門次數共四十八次,比車仔多十四次,但咁又如何?贏勢輸波足球比賽經常出現,最緊要係睇臨場發揮與埋門最後一腳,呢場半斤八両之戰,勝負又要打過先知,初盤曼城要讓平手/半球,都係揀車仔。
曼城在周中歐冠盃被拜仁絕殺,雖然慘啲,但都算合理,始終場波處於劣勢,希望今仗可以打得精神啲。人腳方面,祖維迪與費蘭度因傷缺陣,對替補力有一定影響。最重要係上季踢到識“飛”嘅耶耶托尼近況沉得好緊要,令球隊威脅力大減,近三戰只得一和兩負,夠膽講與“阿耶”有直接影響。
揀車仔最大原因,係對“老摩”打強隊嘅部署有信心,尤其穩守踢法,簡直係“泊大巴”始祖,曼城要入波並非容易,更隨時被車仔突襲得手。
推介 : 車路士 1 : 0
足球評述員 Ben
留言