華倫盤路搞邊“科”？

媒體

分類

新聞

今晚西甲輪到“老二”華倫西亞上場，對住升班馬科爾多瓦，如無意外呢三分穩袋，因為講整體實力，華倫絕對在對手之上，又在自己主場出擊，加上開季凌厲走勢，真係想輸都難。

新升班嘅科爾多瓦踢咗四場甲組波，兩和兩負未贏過，以呢班人腳實在唔好要求太高，祇好盡力而為，尤其對住強隊，希望攞得一分得一分，今場打定輸數出賽，話唔定有意外賽果。

睇盤路走勢似乎唔多對路，首先初盤開出華倫西亞讓一球 / 球半，華倫有以上咁多利好因素，祇讓一球 / 球半，感覺上屬於“鬼盤”，就算目前去到硬讓球半，好明顯“大圍”對華倫大勝仍欠缺信心，建議小敲科爾多瓦。

華倫開季四戰取得三勝一和不敗，近三場連勝兼每場有三球進賬，可以話強勢相當。今仗對住比之前四場對手更弱嘅科爾多瓦，好大機會再大勝一場，所以諗來諗去，盤路好有問題囉。

當然，科爾多瓦明知自己實力所限，但求輸少當贏，亦可能死守為主，所以唔排除華倫贏波輸盤呢個可能性。

推介 : 華倫西亞 1 : 0

足球評述員 Ben