蝙蝠軍掃“皇”
今晚歐洲五大聯賽冇乜好戲碼,唯一係西甲皇家蘇斯達對華倫西亞較有睇頭。話晒皇蘇屬搗亂分子,經常將前列位置球隊攪亂檔,有遇強愈強嘅氣焰。
而華倫西亞今期就威到盡,五輪聯賽過後做咗“一哥”,擺到明向巴塞及馬德里雙雄挑戰,借助強勁走勢,今晚作客皇蘇誓要乘勝追擊。初盤開出只係平手,“蝙蝠軍”盤路贏足五場,當然要食住條水,捧華倫西亞再勝一仗。
對賽往績上,皇蘇似乎食硬“蝙蝠軍”,近六次打親都贏,心理上確有着數。不過近期狀態卻令人擔憂,近三戰不勝兼連輸兩場,球隊士氣低沉,球員發揮亦踢唔出應有水準 。事實上,球隊今季流失唔少球員,戰鬥力削弱,尤其前線走咗基斯文,數糊力大減。態弱情況下對住強勢嘅華倫,實在難以再一次擊倒對手。
四連勝兼每場轟入對手三球,“蝙蝠軍”進攻火力相當銳利,而且組織極悅目,能夠有如此戰績,係實力嘅證明。今戰恃勢凌人,誓報對賽六連敗之仇。
推介 : 華倫西亞 2:1
足球評述員 Ben
留言