史篤城拆“紐”
英超今輪壓軸由兩支下游球隊史篤城與紐卡素對戰,雙方都要搶分自保,尤其仲未開齋贏波嘅紐卡素,誓要脫離榜尾位置。不過紐記攻力實在有限,作客更加未有一球進賬,對住表現較穩定嘅史篤城,要搶一分亦非容易。
史篤城上兩季踢主場特別醒神,可以話靠主場搵食,惜今季頭兩場聯賽都意外失手,但整體表現完全對版,所以對呢班波嘅主場發揮依然信心十足。初盤史篤城讓半球,推介史篤城今戰可以取得主場開門紅。
其實史篤城今季實力有增無減,引入馬米迪奧夫、摩西斯、保贊及薛維爾等球員都有一定質素。祇要踢多幾場,球員間取得默契,相信可以爬上更高位置,而最重要喺主場可以踢出應有水準,乜嘢對手都未驚過。
反而紐卡素今季放走唔少踢得之人,包括賓艾化、利美、馬華奧斯、麥比華及迪保治,而新入球員暫時又起唔到任何作用,五戰只得三和兩負,反映球隊戰力下跌,今戰作客睇怕難有作為。
推介:史篤城2:0
足球評述員Ben
留言