德軍撞“蘭”
兩支南美超級勁旅,巴西與阿根廷今晚決戰紫禁之巔,在京城展開對抗賽。由於只屬友賽性質,一衆球星肯定就住嚟踢,相信競爭程度有限,和波機會相當高。
今日介紹一場歐國盃賽事,由波蘭主場挑戰世界盃冠軍德國。兩隊曾於今年五月踢過一場友誼賽,雙方兩無紀錄握手言和;不過,兩隊當時都有唔少主力缺陣。今仗在外圍賽交鋒,必定強陣出擊。
波蘭陣中有唔少球員在德甲搵食,包括利雲度斯基、比薛斯克、波尼斯治、巴拉薩高斯基、禾積高維克及奧拜尼亞克等好波之人,對德軍踢法有一定熟悉。加上阿仙奴門將施薩斯尼把關,千其唔好低估波蘭嘅實力。況且有主場之利,未必輸硬畀德國。
德軍名單之中,有十五名係世界盃功臣,但主力嘅奧斯爾、舒雲斯迪加及基迪拿都因傷缺陣,戰力受到一定影響。上仗贏蘇格蘭都贏得比較辛苦,今戰實在毫無必勝把握。初盤德國硬讓一球,不妨考慮首戰七球大勝對手、士氣十足嘅波蘭。
推介:和波1:1
足球評述員 Ben
留言