銀河艦隊轟爆紅軍
“歐冠盃紅白大戰,皇家馬德里浴血晏菲路球場,謝拉特梅開二度協助利物浦四球大勝對手。”
各位皇馬迷唔好誤會,呢單新聞係五年前嘅事,以皇馬今時今日強大陣容,以及近期巔峰狀態,紅軍都幾難歷史重演,甚至想輸都難,反而皇馬大勝嘅機會更有可能性。所以今次再度碰頭,睇好皇馬可以殺個滿堂“紅”。初盤皇家馬德里讓半球/一球,具有無限火力嘅銀河戰艦,齋贏半個盤都唔收貨。
紅軍在聯賽擊敗昆士柏流浪連個天都幫埋佢,收對手兩球烏龍波厚禮,才能取得兩連勝。球隊表現依然相當牽強,根本踢唔出強者本色,證明球員平均質素並未去到歐洲頂級勁旅水平,上場對住巴素利都輸,何德何能挑戰皇馬?
西甲加歐冠,皇馬已取得七連勝,更得人驚係七場入球數字高達卅二球,平均每場入四球以上,單係C朗已獨取十五球,前線火力簡直勁到冇朋友。連續八場都有失球嘅利物浦防線,如果今戰可保住清白之身,利物浦可能會捧走今屆歐冠盃。
推介:皇家馬德里3:1
足球評述員 Ben
留言