郭秀雲憶奉子急成婚
郭秀雲(Sharon)早前應有線節目《往事 · 並不如煙》主持黎燕珊的邀請亮相節目,分享她敢愛敢恨的激情往事。
選美出身的Sharon入行後,雖不乏有錢、有地位的人追求,但她最後偏偏愛上武打明星錢小豪,兩人拍拖未夠一年便結婚,Sharon坦言當年是奉子成婚:“當時係我第一次拍電影,我們日對夜對,很自然產生感情,跟住搞出人命。因為我有信仰,唔會選擇墮胎,要生下小朋友的話就要結婚。”Sharon透露婚後發現她與小豪在性格及嗜好等方面也不太夾,婚姻只維持了短短三年就結束。
Sharon 二十四歲就當上單親媽媽,她大嘆箇中難處:“今時今日做父母已經夠難,做單親媽媽同時要兼顧爸媽的角色,既要做好人,又要做醜人,既要管教仔女,又要負責做決定,真的好辛苦。我兒子Andrew(錢景峰)現在已廿四歲,睇佢個樣似‘麻鷹’,其實佢係一隻‘麻雀’,成日畀女仔恰,做阿媽嘅有時都會好擔心。”
留言